Türkiyənin “Qalatasaray” klubu PSJ-nin ulduz futbolçusu Marko Asensionu transfer etməkdə qərarlıdır.
Oxu.Az “SporX”ə istinadən xəbər verir ki, mövsümün sonunda Dris Mertenslə yolları ayırmağa məcbur olan “sarı-qırmızılar” Marko Asensionun keçidini tamamlamaq üçün Fransa klubunun rəsmiləri ilə danışıqlara başlayacaqlar.
Gələn mövsüm Marko Asensionu heyətdə istəməyən PSJ rəsmiləri futbolçu üçün gələcək təklifləri dəyərləndirəcəklərini bildiriblər.
Qeyd edək ki, Asensio bu mövsüm PSJ forması ilə 15 oyunda meydana çıxıb, iki qol və dörd məhsuldar ötürmə ilə yadda qalıb.