Author: admin

İyun ayının 23-də Türkiyə lirəsinin Azərbaycan manatına qarşı rəsmi məzənnəsi daha 6.80% azalaraq 0.0672 manat təşkil edib. Banker.az bu barədə Azərbaycan Mərkəzi Bankının göstəricilərinə istinadən xəbər verir. Cari ilin iyun ayının 22-də isə lirənin məzənnəsi 0.0721 manat olub. Qeyd edək ki, TCMB uçot faiz dərəcəsini 8.5%-dən 15.0%-ə qədər qaldırıb. Bu, 2021-ci ilin noyabr iclasından bu […]

“Diamed” tibb şirkətləri brendinə daxil olan “Diamed Development Group” MMC 2022-ci ili 815 min manat zərər edib. 2021-ci ildə isə bu zərər 218 min manat olmuşdu. Banker.az xəbər verir ki, bu barədə şirkətin illik maliyyə hesabatında qeyd edilir. Bununla da illərin yığılmış zərəri 1 milyon 33 min manata yüksəlib.

Həddindən artıq tozcuqla ətrafda yaşayan sakinləri narahat edən ağacın kəsilməsi zamanı ortaya çıxan maraqlı görüntü sosial mediada gündəm olub. Kadrlar Türkiyədəndir. Videoda ağacın kəsilməsi ilə hər yerin bir anda tozcuqlar bürüdüyü görünür. Bir çox istifadəçi kadrlara baxarkən belə nəfəslərini tutduqlarını deyiblər. Bəziləri isə görüntünü ağacın öz ruhunu təslim etməsinə bənzədib. Mənbə: Haber Global

Müharibə bitərsə, Ukraynada gələn il prezident seçkiləri keçirilə bilər. Bu barədə Ukrayna prezidenti Volodimir Zelenski BBC-yə müsahibəsində bildirib. “Bu, qlobal məsələdir. Biz qalib gəlsək, onda olacaq. Deməli, hərbi dövr olmayacaq, müharibə olmayacaq”, – deyə Zelenski bildirib. Dövlət başçısı vurğulayıb ki, Ukrayna qanunvericiliyinə görə, seçkilər sülh şəraitində, müharibə olmayan vaxtda keçirilməlidir. “Mən çox istəyirəm ki, gələn il sülh olsun və həyat müharibədən əvvəlki kimi davam etsin”, – deyə o əlavə edib. Qeyd edək ki, müharibə başlamazdan əvvəl Ukraynada parlament seçkilərinin bu ilin oktyabrında, prezident seçkilərinin isə 2024-cü ilin martında keçirilməsi nəzərdə tutulmuşdu.

Rusiya Elmlər Akademiyasının Çin və Müasir Asiya İnstitutunun bazasında Çin lideri Si Cinpinin ideyalarını öyrənmək üçün Rusiyada ilk laboratoriya yaradılıb. Bu barədə İnstitutun saytında yerləşdirilən məlumatda deyilir . Tədqiqat Si Cinpinin iqtisadiyyat, xarici və daxili siyasət, eləcə də sosial siyasət, mədəniyyət, incəsənət və ekologiya sahələrindəki ideyalarına diqqət yetirəcək. Laboratoriyaya Rusiyanın müxtəlif aparıcı institutlarının tədqiqatçıları daxildir. Laboratoriyada Çinin elmi mərkəzləri ilə əlaqələr qurulacaq, həmçinin birgə konfranslar və dəyirmi masalar keçiriləcək. 2025-ci ildə laboratoriya rusiyalıları Si Cinpinin ideyaları və onların Çinin inkişafı üçün əhəmiyyəti ilə tanış edəcək “böyük elmi monoqrafiya” nəşr etdirəcək. Bu laboratoriya Çindən kənarda ilk belə elmi mərkəzdir.

“Meta” korporasiyasının rəhbəri Mark Sukerberq “Tesla” və “SpaceX”in baş direktoru, həmçinin “Twitter”in sədri İlon Maskın qaydasız döyüş təklifini qəbul edib. Bu barədə “The Verge” nəşri məlumat verib. Nəşrin yazdığına görə, “Meta”nın “Twitter”in analoqunu hazırlaması ilə bağlı sosial şəbəkələrdə çıxan xəbərlərdən dərhal sonra İlon Mask Sukerberqi rinqə, “qəfəs” döyüşünə çağırıb. “Razı olsa, mən onunla qəfəsdə döyüşməyə hazıram”, – deyə o, “Twitter” hesabında paylaşım edib. Təxminən bir gün sonra Mark Sukerberq “İnstagram” hesabının “Hekayə” bölümündə etdiyi paylaşımda Maska cavab ünvanlayıb. Sukerberq Maskın yazısı olan skrinşotu dərc edib və “Mənə ünvanı göndər” (“Send Me Location”) deyə şərh verib. “The Verge” nəşri “Meta”dakı mənbələrə…

Türkiyə milli müdafiə naziri Yaşar Gülər ukraynalı həmkarı Oleksey Reznikovla telefon danışığı aparıb. Bu barədə Türkiyə Milli Müdafiə Nazirliyi məlumat yayıb. Reznikov Yaşar Güləri yeni vəzifəsinə görə təbrik edib, uğurlar arzulayıb. Telefon danışığı zamanı taxıl sazişi müzakirə olunub. Bildirilib ki, Türkiyənin bölgədə sülhün və humanitar yardımın təmin edilməsində üzərinə düşəni etməyə davam edəcək.

İtaliyanın “Torre Argentina” meydanında Qədim Romanın dövlət və siyasət xadimi, sərkərdə, dünya tarixinin ən güclü insanlarından biri Yuli Sezarın öldürüldüyü yerin qapısı turistlərin üzünə açılıb. Bu yerdə eramızdan əvvəl 3-cü əsrə aid dörd məbəd və Pompey Teatrının qalıqları var. Əfsanəyə görə, məhz Pompey Teatrının yaxınlığında sui-qəsdçilər hökmdara hücum ediblər. Sezarın bu gün frazeologiyaya çevrilən məşhur “Sən də mi, Brut?” (“Et tu, Brute?”) ifadəsi də elə bu yerdə yaranıb. Tarixi mənbələrdə bildirilir ki, e.ə 44-cü il martın 15-də (Mart İdesi) Sezar bir qrup senatorun hücumuna məruz qaldı. Dahi sərkərdə başlanğıcda hücum edənlərə qarşı müqavimət göstərsə də, içlərində yaxın dostu (bəzi versiyalara görə,…

Gələn həftə Rusiya nəqliyyat nazirinin müavininin başçılığı ilə ekspertlər qrupu Rəştin tikintisini sürətləndirmək üçün Tehrana səfər edəcək. Bu barədə Rusiya Dəmir Yollarının baş direktorunun müavini Sergey Pavlov İranın səfiri Kazım Cəlali ilə görüşdə bildirib. Pavlov Rusiyanın bu dəmir yolunun tikintisinə daimi texniki dəstək verməyə hazır olduğunu bildirib. İranın Moskvadakı səfiri vurğulayıb ki, iki ölkə liderləri Rəşt-Astara dəmir yolu xəttini qaçırılmış Şimal-Cənub xətti kimi tezliklə işə salmaq niyyətindədirlər. O, aktiv texniki danışıqlara başlamağın vacibliyini qeyd edib. İranın Moskvadakı səfirliyinin dərc etdiyi hesabata görə, bu görüşdə tərəflər Şimal-Cənub beynəlxalq tranzit dəhlizi çərçivəsində Rəşt-Astara dəmir yolu xətti layihəsi üzrə işlərin başlanmasının sürətləndirilməsinin vacibliyini vurğulayıblar.

Amerikalı müğənni Britni Spirs çimərlik geyimində video yayımlayıb. O, müvafiq görüntüləri “Instagram”da pərəstişkarları ilə paylaşıb. 41 yaşlı ifaçı bikinidə qumlu sahildə gəzişib. O, həmçinin həsir papaq və gün eynəyi taxıb.