ABŞ-nin yeni seçilmiş prezidenti Donald Tramp özünün “$TRUMP” adlı kriptovalyutasını buraxdığını bəyan edib.
Oxu.Az-ın xəbərinə görə, bu barədə Aif.ru nəşri məlumat verib.
Məlumata görə, ilk gün istifadəçilər 200 milyon sikkə əldə edə bilərlər, üçillik dövrün sonuna isə onların ümumi sayı bir milyarda çatacaq.
“Memkoin” saytının dizaynı Trampın obrazından və onun 13 iyul 2024-cü ildə baş verən sui-qəsd cəhdindən sonra söylədiyi “Döyüş, döyüş, döyüş” sözlərindən ilhamlanıb.
Sayt bildirir ki, siyasətçi “əsrin memi”nə çevrilmiş hərəkata start verib.
Ticarətin ilk saatında “$TRUMP” “memkoin”in kapitalizasiyası üç milyard dollar təşkil edib, saatyarımdan sonra isə 4,3 milyard dollara yüksəlib.