Sumqayıt şəhərində minik avtomobilində yanğın baş verib.
Oxu.Az “Report”a istinadən xəbər verir ki, hadisə şəhərin 2-ci mikrorayon ərazisində qeydə alınıb.
Belə ki, 1981-ci il təvəllüdlü Sabir Cəfər oğlu İsmayılova məxsus “Toyota” markalı minik avtomobili anidən yanıb.
Əraziyə Fövqəladə Hallar Nazirliyi Dövlət Yanğından Mühafizə Xidmətinin qüvvələri cəlb olunub.
Yanğın söndürülüb, ətrafdakı maşınlara və tikililərə keçməsinin qarşısı alınıb.
Faktla bağlı araşdırma aparılır.