Qəbələ, Zaqatala və Qax rayonlarının bir sıra kəndlərində sabah qaz təchizatı dayandırılacaq.
Zaqatala Regional Qaz İstismarı İdarəsi payız-qış mövsümünə hazırlıq işləri ilə əlaqədar bu qərarı verib.
Qəbələ rayonunda Nic qəsəbəsi, Mirzəbəyli, Daşca, Mıxlıqovdaq, Yemişənli və Zarağan kəndlərində saat 10:00-dan etibarən qaz olmayacaq.
Qax şəhəri və Qaxbaş, Qaxingiloy, Ağçay, İlisu, Əlibəyli, Alatəmir, Meşəbaş, Əmircan kəndlərində də eyni vaxtda qaz kəsiləcək.
Zaqatala rayonunun Danaçı kəndində isə təmir-quraşdırma işləri səbəbindən qaz təchizatı dayandırılacaq.
