Ötən il Azərbaycanda aliment ödəməkdən yayınan 4 299 borclu barəsində inzibati xəta protokolu tərtib edilib. Bu barədə Milli Məclisin Ailə, qadın və uşaq məsələləri komitəsinin iclasında müzakirə edilən məlumatda bildirilib.
Məlumata görə, 3 083 protokol üzrə məhkəmələr tərəfindən tənbeh tədbirləri tətbiq olunub. 2 344 nəfər isə inzibati qaydada həbs edilib.
2025-ci ildə cinayət məsuliyyətinə cəlb etmə haqqında 286 təqdimat verilib. Bunlardan 235-i əsasında cinayət işi başlanılıb, 3 təqdimat rədd edilib, 48-i isə növbəti dövrə qalıb.
