Milli Məclis sosial şəbəkələrdə yaş məhdudiyyətini nəzərdə tutan qanun layihəsini üçüncü oxunuşda qəbul edib. Bu qərar valideynlər arasında geniş müzakirələrə səbəb olub.
Kibertəhlükəsizlik eksperti Mehman İsgəndərov valideynlərin ən çox maraqlandığı sualları cavablandırıb.
- Uşağa neçə yaşında telefon vermək olar?
Ekspert bildirib ki, əsas məqam yaş deyil, uşağın məsuliyyətidir. Bəzi uşaqlar 10-11 yaşında telefona hazır olsa da, bəziləri daha gec yetişir.
- Sosial şəbəkələr üçün yaş məhdudiyyəti olmalıdırmı?
Mehman İsgəndərov hesab edir ki, yaş məhdudiyyəti qoruyucu rol oynayır, lakin təkbaşına problemi həll etmir.
- Valideyn nəzarəti necə olmalıdır?
Ekspert vurğulayır: uşağın telefonunu gizli yoxlamaq əvəzinə, onunla düzgün ünsiyyət qurmaq vacibdir. Uşaq internet riskləri barədə məlumatlandırılmalıdır.
- Sosial şəbəkə asılılığının əlamətləri hansılardır?
Uşaq telefon əlindən alınanda əsəbiləşirsə, dərsə marağı azalırsa, bu asılılıq siqnalıdır. Vaxtında tədbir görülməlidir.
