Bu gün Dövlət İmtahan Mərkəzi (DİM) II və III ixtisas qrupları üzrə ali təhsil müəssisələrinə qəbul imtahanı keçirib. İmtahan 25 şəhər və rayonda təşkil olunub.
DİM-in məlumatına görə, imtahan prosesi üçün operativ qərargah fəaliyyət göstərib. 172 imtahan binası, 3 074 imtahan zalı ayrılıb. 41 622 abituriyentin iştirakı nəzərdə tutulub.
11 nəfər mobil telefon aşkarlandığı üçün imtahandan xaric edilib. Qayda pozuntularına yol verənlərin müsabiqə nəticələri ləğv olunur.
67 nəfər sağlamlıq imkanları məhdud abituriyent iştirak edib, onlar üçün xüsusi şərait yaradılıb.
Nəticələrin iki həftədən sonra elan olunması gözlənilir. DİM saat 15:00-da canlı yayım keçirəcək.
