Almaniyanın Essen şəhərində 150 nəfərin iştirak etdiyi məclis kütləvi dava və bıçaqlanma ilə nəticələnib.
Xəbər "Bild" nəşri tərəfindən yayılıb. Məlumata görə, iyulun 5-nə keçən gecə Gerardet küçəsində kirayə evdə təşkil olunan məclisə 150 nəfər toplaşıb.
Yerli vaxtla saat 2 radələrində üç Türkiyə vətəndaşı ilə bir Almaniya vətəndaşı arasında mübahisə yaranıb. Söz mübahisəsi qısa zamanda kütləvi davaya çevrilib.
İlkin məlumata görə, davanı 46 yaşlı Türkiyə vətəndaşı başladıb və bıçaqdan istifadə edib. Lakin o da xəsarət alaraq xəstəxanaya yerləşdirilib.
Polis həmin şəxsi qəsdən adamöldürməyə cəhddə şübhəli bilir. Hadisə zamanı münaqişədə iştirak etməyən 56 yaşlı mühafizəçi isə ürəktutması keçirərək həyatını itirib.
