Nəsimi rayonu, Əlimərdan bəy Topçubaşov küçəsi, 157 ünvanında yaşayan sakinlər təhlükə ilə üz-üzə qalıblar.
Baku TV-nin məlumatına görə, ikimərtəbəli yaşayış binası qəzalı vəziyyətdədir.
Sakinlər tavan və döşəmənin çökmək üzrə olduğunu, divarlarda dərin çatların əmələ gəldiyini bildirirlər.
"Bütün tavan üstümüzə gəlir. Adam qorxur. Bir dəfə gördüm elə gurup-gurup səs gəlir, dedim, ay allah, görəsən, bu nədir? Qızım dedi ki, burada ev aşıb. Bu dəfə də aşsa, qalacağam evin altında", - deyə sakinlərdən biri qeyd edib.
