İsmayıllı rayonunda ölümlə nəticələnən yol-nəqliyyat hadisəsinin təfərrüatı açıqlanıb.
Bakı Şəhər Dövlət Yol Polisi İdarəsi (BDYPİ) bildirib ki, ilkin araşdırmalara görə, sürücünün diqqətinin mobil telefona yönəlməsi qəzaya səbəb olub. Faktla bağlı araşdırma davam edir.
BDYPİ sürücüləri xəbərdar edir: "Sükan arxasında telefona baxmaq bir neçə saniyəlik diqqət yayınmasına səbəb olur və geri dönüşü olmayan faciələrə yol aça bilər. Heç bir zəng, mesaj və ya bildiriş insan həyatından daha dəyərli deyil".
Qeyd edək ki, qəza ötən gün saat 16 radələrində İsmayıllı rayonu ərazisində baş verib. "Mercedes" markalı avtomobil idarəetmədən çıxaraq beton maneəyə çırpılıb. Hadisə nəticəsində 52 yaşlı İlqar Süleymanov və 67 yaşlı Elmira Duxiyeva həyatını itirib, daha bir nəfər xəsarət alıb.
