Cəlilabad rayonunda Cənubi Qafqaz üçün analoqu olmayan sferik daş kürə aşkar edilib.
Tapıntı AMEA-nın Arxeologiya və Antropologiya İnstitutunun baş elmi işçisi Vəfa Mahmudovanın rəhbərliyi ilə Paşatəpə abidəsində aparılan qazıntılar zamanı üzə çıxarılıb.
Daş kürə Neolit dövrünə aid olub, üzərində heç bir deşik və zərbə izi yoxdur. Çəkisi 1 kiloqram 870 qram, diametri 10 santimetrdir.
Alimlər onun ritual məqsədli və ya çəki ölçüsü kimi istifadə edildiyini ehtimal edirlər. Dəqiq funksiyası əlavə tədqiqatlarla müəyyən ediləcək.
Paşatəpədə qazıntı sahəsi genişləndirilib, orta əsrlərə aid küp borular da aşkarlanıb. Həmçinin Əliköməktəpə abidəsində baxış keçirilib.
