Fransadan Ermənistana gizli hərbi avadanlıq tədarük edilir? Bu sual, Azərbaycan KİV-in araşdırmasından sonra gündəmə gəlib.
"Haber Global" YouTube kanalının videosüjetində Azərbaycan KİV-in apardığı araşdırmadan bəhs edilir. Məlumata görə, Fransa hərbi karqonu mülki yük adı altında Ermənistana göndərib.
Fransa Prezidenti Emmanuel Makron mayın 5-də İrəvana səfər edib. Lakin uçuş izləmə məlumatlarına görə, mayın 4-də Fransa Hava Qüvvələrinə məxsus "Airbus A330-200" təyyarəsi İrəvana enib. Ertəsi gün təyyarə Parisə, oradan da hərbi bazaya uçub.
Təyyarənin hərəkəti təsdiqlənsə də, yükün xarakteri məlum deyil. Bu da suallar doğurur: təyyarə rəsmi səfər üçün istifadə edilib, yoxsa daha geniş hərbi dəstəyin bir hissəsidir?
