İran xarici işlər naziri Abbas Əraqçı Hindistanda keçirilən brifinqdə bildirib ki, atəşkəs çox kövrəkdir və onu qorumağa çalışırlar.
O, bəzi ölkələrin Tehranla Vaşinqton arasındakı danışıqları pozmaq istədiyini qeyd edib.
Əraqçı ümid edir ki, proses sağlam düşüncə məcrasına qayıdacaq və münaqişə danışıqlar yolu ilə həll olunacaq.
Xatırladaq ki, fevralın 28-də İsrail İrana qabaqlayıcı zərbə endirdiyini, ABŞ isə hərbi əməliyyatda iştirak etdiyini açıqlayıb.
İran cavab olaraq İsrailə ballistik raketlər atıb. Martın 1-də İranın Ali Lideri Əli Xameneinin öldürüldüyü elan edilib.
İran ABŞ-nin hərbi bazalarının yerləşdiyi qonşu ölkələrə də zərbələr endirib. Hörmüz boğazında gəmiçilik çətinləşib.
Aprelin 8-də Tramp atəşkəslə razılaşdığını elan edib. Daha sonra İslamabadda görüş keçirilib, lakin aprelin 22-də planlaşdırılan ikinci görüş baş tutmayıb.
