Qurban bayramı və Müstəqillik Günü səbəbindən mayın 27-dən 31-ə kimi Bakı Metropolitenində qatarların hərəkət qrafiki dəyişdiriləcək.
Bu barədə "Bakı Metropoliteni" QSC məlumat yayıb.
Məlumata görə, "28 May-Əhmədli" və əks istiqamətdə interval 2 dəqiqə 30 saniyə, "Həzi Aslanov-Əhmədli" sahəsində 7 dəqiqə olacaq.
Bənövşəyi xətdə qatarlar şənbə-bazar qrafiki ilə hərəkət edəcək. "Cəfər Cabbarlı-Xətai" sahəsində cədvəl dəyişməz qalacaq.
"Bakmil" istiqamətində qatarlar şənbə günü qrafiki ilə işləyəcək.
Stansiyalarda nəzarət artırılacaq, ehtiyat qatarlar hazır saxlanılacaq.
