Azərbaycanda Qurban bayramı qeyd olunur. Bu il bayram mayın 27 və 28-nə təsadüf edir.
Qurban bayramı islam aləminin ən müqəddəs bayramlarındandır. Hər il qəməri təqvimində zil-hiccə ayının 10-cu günü başlayır və üç gün davam edir.
Qurbanlıq heyvan sağlam və kəsimə yararlı olmalıdır. Keçi, qoyun, inək və dəvə qurbanlıq üçün seçilə bilər. Heyvanın üzü qibləyə uzadılaraq Allahın adı ilə kəsilməsi vacibdir.
Qurbanlıq əti üç hissəyə bölünür: biri qurban sahibinə, biri kasıblara, biri isə qohum-əqrəbaya verilir.
Bu bayram İbrahim peyğəmbərin oğlu İsmayılı qurban vermək istəməsi ilə bağlıdır. Allah onun imanını sınadı və bir qoç göndərdi.
