Balakən Gömrük İdarəsi əməkdaşları tərəfindən keçirilən gömrük nəzarəti tədbirləri nəticəsində xüsusilə külli miqdarda narkotik vasitə - marixuana aşkar edilərək qanunsuz dövriyyədən çıxarılıb.
Oxu.Az quruma istinadən xəbər verir ki, "Mazımqara" gömrük postunda İrandan Gürcüstana "qarpız" yükü daşıyan nəqliyyat vasitəsi stasionar rentgen qurğusunda yoxlanılıb.
Yükdə şübhəli cizgilər müşahidə olunduğu üçün nəqliyyat vasitəsi əsaslı yoxlamaya cəlb edilib. Kinoloji xidmət itinin köməyi ilə aparılan yoxlama zamanı qarpız qutularının alt hissəsində xüsusi üsullarla gizlədilmiş qablaşdırma aşkarlanıb.
Nəticədə qablaşdırma ilə birlikdə ümumi çəkisi 110 kiloqram 300 qram olan xüsusilə külli miqdarda narkotik vasitə - marixuana aşkar edilərək dövriyyədən çıxarılıb.
