Qəbələ rayonunun Zarağan qəsəbəsində fəaliyyət göstərən fərdi sahibkar Sərdar Mehdiyevə məxsus maye qazdoldurma məntəqəsində planlı yoxlama aparılıb.
Fövqəladə Hallar Nazirliyinin məlumatına görə, yoxlama zamanı ciddi təhlükəsizlik pozuntuları aşkarlanıb.
Məntəqədəki iki qaz çəninin daxili baxışı və hidravlik sınağı aparılmayıb. Qoruyucu klapanlar, rezin qollar və digər avadanlıqlar vaxtında yoxlanılmayıb.
Həmçinin, bina və avadanlıqların torpaqlama müqaviməti ölçülməyib.
Bu nöqsanlar insan həyatı üçün təhlükə yaratdığından məntəqənin fəaliyyəti dayandırılıb. Sahibkara pozuntuların aradan qaldırılması üçün akt təqdim edilib.
