ABŞ-nin NATO müttəfiqləri Vaşinqtonun Almaniyadan 5 min hərbçi çıxarmaqla kifayətlənməyəcəyini, Avropada hərbi mövcudluğunu daha da azaldacağını düşünürlər.
"Bloomberg" agentliyi özəl mənbələrə istinadən xəbər verir ki, ABŞ Prezidenti Donald Tramp İtaliyadan da hərbçiləri çıxara bilər. Almaniyada uzaqmənzilli silahların yerləşdirilməsi planlarından imtina edilə bilər. İspaniyada hərbi mövcudluğun azaldılması istisna edilmir.
Digər ssenarilərə Vaşinqtonun NATO təlimlərində iştirakdan imtinası və hərbçilərin narazılıq yaradan ölkələrdən daha loyal olanlara köçürülməsi daxildir.
Trampın NATO-dan məyusluğu Avropa liderləri ilə gərginliyi dərinləşdirib. Aprelin 29-da ABŞ prezidenti Almaniyadakı kontingentin azaldılmasını nəzərdən keçirdiklərini, lakin səbəbini açıqlamadı. Bu, Almaniya Kansleri Fridrix Mertsin ABŞ-nin İrana qarşı hərbi əməliyyatlarını tənqid etməsindən sonra gündəmə gəldi.
Mayın 1-də Pentaqon 5 min hərbçinin Almaniyadan çıxarılacağını açıqladı. Çıxarılmanın 6-12 ay ərzində başa çatdırılması gözlənilir.
