Rəsmi Tehran nüvə təsisatlarına hücumlar və sanksiyalar səbəbindən Haaqa Arbitraj Məhkəməsinə müraciət edərək ABŞ-ni məhkəməyə verib.
Oxu.Az xəbər verir ki, bu barədə "Mizan" agentliyi məlumat yayıb.
Bildirilib ki, iddia 2025-ci ilin iyununda İsrail və ABŞ-nin İrana qarşı başlatdığı 12 günlük müharibə ilə bağlıdır. Rəsmi Vaşinqtonun beynəlxalq öhdəliklərə əməl etməməsi vurğulanır. Sənəd 2026-cı ilin fevral-mart aylarında təqdim olunub.
İran bu şikayəti 1981-ci ildə imzalanmış Əlcəzair Sazişinə əsasən irəli sürüb. Həmin müqavilə beynəlxalq arbitraj tribunalının yaradılmasını və ABŞ-nin İranın daxili siyasətinə müdaxilə etməməsini nəzərdə tutur.
Rəsmi Tehran arbitraj məhkəməsi vasitəsilə ABŞ-nin müdaxilələrinin qarşısının alınmasını və dəymiş zərərin tam kompensasiyasını tələb edir.
