ABŞ nümayəndə heyəti Ermənistana səfər edib. Səfərin məqsədi "Tramp marşrutu" (TRIPP) layihəsinin icrasını müzakirə etməkdir.
Ermənistan Nazirlər Kabinetinin mətbuat xidməti bildirib ki, baş nazirin müavini Mqer Qriqoryan ABŞ Dövlət Departamenti və Beynəlxalq İnkişaf üzrə Maliyyə Korporasiyasının nümayəndələri ilə görüşüb. Tərəflər TRIPP layihəsinin hüquqi və əməliyyat məsələlərini razılaşdırıblar.
Qeyd edək ki, 2025-ci il avqustun 8-də Vaşinqtonda üçtərəfli görüşdən sonra Azərbaycan Prezidenti İlham Əliyev və Ermənistanın baş naziri Nikol Paşinyan Naxçıvanla Azərbaycan arasında nəqliyyat əlaqələri və sülh nizamlanması haqqında birgə bəyannamə imzalayıblar. Layihə "Beynəlxalq Sülh və Rifah naminə Tramp Marşrutu" (TRIPP) adlanır.
