İran Hörmüz boğazı boyunca yerləşən 33 yeraltı raket bazasından 30-na əməliyyat girişini bərpa edib.
Bu barədə "The New York Times" ABŞ kəşfiyyat mənbələrinə istinadən yazıb. Məlumatlar yüksəkvəzifəli məmurları narahat edir, çünki bazalara girişin bərpası ABŞ hərbi gəmiləri və neft tankerləri üçün təhlükə yarada bilər.
Hesabatlara əsasən, İran raket anbarlarının 90%-nə girişi bərpa edib və mobil buraxılış qurğularının 70%-nə malikdir. Yeni kəşfiyyat məlumatları göstərir ki, ABŞ İran raket bazalarına vura biləcəyi ziyanı yüksək qiymətləndirib.
Mənbələr atəşkəsin pozulacağı təqdirdə Trampın problemlə üzləşəcəyini qeyd edib: ABŞ Silahlı Qüvvələri sursat ehtiyatlarını tükədib, İran isə Hörmüz boğazında hərbi potensialını saxlayır.
