Kubanın xarici işlər naziri Bruno Rodriges Parrilya ABŞ-nin adaya mümkün hərbi hücumu ilə bağlı xəbərdarlıq edib.
Nazir “X” sosial şəbəkəsində yazıb: “ABŞ-nin Kubaya qarşı hərbi təcavüzü humanitar fəlakətə və qan gölünə çevrilər. Hər iki ölkənin vətəndaşları həlak olar. Belə ssenariyə yalnız öz övladlarını müharibəyə göndərməyən siyasətçilər rəvac verər”.
O qeyd edib ki, ABŞ kimi fövqəldövlətin özü üçün təhlükə yaratmayan kiçik adaya hərbi zərbə endirməsi üçün heç bir əsas yoxdur. Hakimiyyət dəyişikliyi cəhdləri hərbi müdaxiləyə bəhanə ola bilməz.
ABŞ Prezidenti Donald Tramp əvvəllər Kubaya müdaxilə ehtimalını gündəmə gətirib. Havana ölkənin ərazi bütövlüyünü qorumağa hazır olduğunu bildirib.
