Səudiyyə Ərəbistanına Həcc ziyarəti üçün gedənlərin sayı 860 mini keçib.
Oxu.Az xəbər verir ki, bu barədə "Anadolu" agentliyi krallığın həcc və ümrə naziri Taufiq bin Fauzən Əl-Rabiənin sözlərinə istinadən məlumat yayıb.
Nazir mətbuat konfransında bildirib ki, indiyədək ölkəyə daxil olan zəvvarların 820 mindən çoxu hava nəqliyyatından istifadə edib.
Quru sərhəd-keçid məntəqələri vasitəsilə gələnlərin sayı 35 mini, dəniz yolu ilə səfər edənlərin sayı isə 4 mini keçib.
Nazir Əl-Rabiə qeyd edib ki, ümumi zəvvarların 240 mindən çoxu "Məkkə Yolu" layihəsi çərçivəsində ölkəyə gəlib. Bu layihə zəvvarların sərhəd və gömrük prosedurlarını asanlaşdırmaq məqsədi daşıyır.
