İraq və Pakistan İranla Fars körfəzi vasitəsilə LNG və neft nəqli üçün yeni müqavilələr imzalayıb. Bu barədə "Reuters" məlumat yayıb.
Sazişlər Tehranın Hörmüz boğazı üzərindən enerji axınlarına təsir imkanlarını artıracaq. Həmçinin, Fars körfəzindən LNG və neft tədarükünü əhatə edəcək.
Yaxın Şərqdəki gərginliklər regiondan enerji ixracını azaldıb. İran qlobal LNG və neft dövriyyəsinin təxminən 20%-nin keçdiyi strateji ölkədir.
İraqın neft ixracının çox hissəsi Hörmüz boğazından daşındığı üçün dəhliz bağlanarsa, İraqa ciddi iqtisadi zərbə dəyə bilər. Pakistan isə enerji idxalından asılı olduğu üçün yanacaq qiymətlərində kəskin artım yaşayır.
Tehran və Bağdad arasında gizli sazişə əsasən, iki nəhəng neft tankeri boğazdan uğurla keçib. İraq Neft Nazirliyi tranzit tutumunun genişləndirilməsi ilə bağlı danışıqları təsdiqləyib.
Qətərdən LNG daşıyan iki tanker Pakistan istiqamətində yola düşüb. Bu addım İran-Pakistan ikitərəfli enerji sənədinin bir hissəsidir.
