İraqın şimalında baş verən hərbi təlim qəzasında iki əsgər həyatını itirib. ABŞ və Böyük Britaniya vətəndaşı olan hərbçilərin ölümü ilə bağlı təfərrüatlar məxfi saxlanılır.
Hadisə mayın 31-də Ərbildəki ABŞ hərbi bazasında qeydə alınıb. Həm ABŞ, həm də Britaniya rəsmiləri insidentin detallarını açıqlamaqdan imtina edir. Həlak olanların kimliyi də ictimaiyyətə çatdırılmayıb.
Xatırladaq ki, bu ilin may ayında Mərakeşdə keçirilən 'Afrika şiri' təlimlərində də iki ABŞ əsgəri itkin düşmüşdü. Onlardan birinin cəsədi sonradan tapılmışdı.
