İranın xarici işlər naziri Abbas Əraqçı ABŞ və İsraillə münaqişənin başladığı fevral ayında hava hücumlarına məruz qaldığını ilk dəfə etiraf edib.
Oxu.Az xəbər verir ki, bu barədə iranlı diplomat özü məlumat verib. Livanın "Al-Mayadeen" telekanalına müsahibəsində o, binasının bombalandığını, lakin onun olduğu hissənin toxunulmaz qaldığını söyləyib.
"Bizim yerləşdiyimiz binaya zərbə endirildi, lakin olduğumuz hissə zərər görmədi, binanın digər tərəfi isə dağıldı. Partlayış anında mən orada idim", - deyə nazir bildirib.
Onun söhbətinin stenoqramı İran Xarici İşlər Nazirliyi tərəfindən dərc olunub. Əraqçı həmçinin İranın həlak olmuş ali rəhbəri Əli Xameneinin administrasiyası dövründə Cenevrədə ABŞ ilə nüvə proqramı üzrə aparılan danışıqlardan da bəhs edib.
