Livanın Xarici İşlər Nazirliyi BMT Təhlükəsizlik Şurasına İranla bağlı rəsmi şikayət göndərib.
Bu barədə Livanın BMT-dəki daimi nümayəndəsi Əhməd Ərəfa məlumat verib.
İran Livana müdaxilə və ölkəni İsraillə münaqişəyə cəlb etməkdə ittiham olunur.
Şikayətdə SEPAH da daxil olmaqla İran qurumları qanunsuz hərəkət və itaətsizlikdə günahlandırılır.
Diplomat deyib: "Minlərlə insan ölüb, bir milyondan çox insan köçkün düşüb. Maddi ziyan böyükdür, İsrail Livan torpaqlarını ələ keçirib."
Eskalasiya Hizbullahın martın 2-də İsraili atəşə tutmasından sonra başlayıb.
