UEFA Çempionlar Liqasına vəsiqəni təmin edən "Sabah", Azərbaycan Kubokunu da qazanıb.
Oxu.Az xəbər verir ki, Premyer Liqada avrokuboklara vəsiqələrin bölgüsü müəyyənləşib.
Çempion həm də kuboku qazandıqda, Avropa Liqasına ikinci pillə komandası gedir. Hal-hazırda bu "Qarabağ"dır.
Üçüncü yer Konfrans Liqasına ikinci təsnifat mərhələsindən başlayır. İndi "Turan Tovuz" bu mövqedədir.
Reytinqə görə, ölkəmizi Konfrans Liqasında iki komanda təmsil edəcək; biri ikinci, digəri birinci təsnifat mərhələsindən.
Dördüncü yer də Konfrans Liqasına gedir. "Neftçi" dördüncüdür, "Zirə"ni üç xal qabaqlayır, lakin "Zirə"nin də şansı var.
