"Nitrogen" haker qrupu "Foxconn"-a hücum edərək Apple, Google, Nvidia, Intel və Dell-ə məxsus məxfi məlumatları oğurladığını iddia edir. Onlar 8 TB həcmində, 11 milyondan çox fayl əldə etdiklərini bildirirlər.
Oxu.Az-ın məlumatına görə, oğurlanan materiallara Apple layihələrinə aid daxili sənədlər və digər texnologiya şirkətlərinin texniki çertyojları daxildir. "Foxconn" ABŞ-dəki zavodlarına kiberhücum olunduğunu təsdiqləsə də, müştəri məlumatlarının oğurlanıb-oğurlanmadığını dəqiqləşdirməyib.
Şirkət kibertəhlükəsizlik mütəxəssislərinin dərhal tədbir gördüyünü və istehsalatın dayanmadığını bildirib. Hazırda müəssisələr normal iş rejiminə qayıdır. "Apple" podratçıların məlumatlara çıxışını məhdudlaşdırır.
"Coveware" tədqiqatçıları "Nitrogen" qrupunun "Conti 2" fidyə proqramının sızdırılmış kodundan istifadə etdiyini bildirir. Şifrələmə proqramındakı xəta səbəbindən faylların bərpası qeyri-mümkün ola bilər.
