"Real Madrid"in prezidenti Florentino Peres, seçkidə yenidən namizəd olacağını açıqlayıb və klubu ələ keçirmək istəyən şəxsin kimliyini açıqlayıb.
Bu barədə Oxu.Az "Haber Global"a istinadən xəbər verir.
Peresin sözlərinə görə, həmin şəxs Cənubi Amerika aksenti ilə danışan enerji sektorundakı bir iş adamıdır. O, həmin şəxsə meydan oxuyaraq namizəd olmağa çağırıb.
Peresin təsvir etdiyi şəxsin "Cox Energy" günəş enerjisi şirkətinin baş direktoru Enriki Rikuelme Vives olduğu bildirilir. Şirkətin Meksika, Çili, Panama, Kolumbiya və İspaniyada ofisləri var.
Enriki Rikuelme Vives "Real Madrid" azarkeşidir və Formula-E, qolf kimi idman növləri ilə maraqlanır. O, Peresə rəqib ola bilər.
