İmişli rayonunda yanğın hadisəsi qeydə alınıb.
Oxu.Az "Report"a istinadən xəbər verir ki, yanğın Zəfər prospektində yerləşən tamet (bəzək daşları) istehsalı sexində baş verib.
İlkin məlumata görə, yanğın sexin yaxınlığındakı kol-kos sahədə başlayıb və qısa müddətdə obyektə keçib.
Fövqəladə Hallar Nazirliyinin İmişli Rayon Yanğından Mühafizə Hissəsinin əməkdaşları və texnikası hadisə yerinə cəlb olunub.
Sexdəki yanğın söndürülüb, kol-kos sahədəki yanğının söndürülməsi üçün əlavə qüvvələr, o cümlədən Saatlı və Beyləqandan yanğınsöndürənlər cəlb edilib.
Faktla bağlı araşdırma aparılır.
