Fövqəladə Hallar Nazirliyinin "112" qaynar telefon xəttinə Yevlax rayonu, Əkşəm kəndi ərazisində yol-nəqliyyat hadisəsi barədə məlumat daxil olub. Hadisə nəticəsində bir nəfər avtomobildə sıxılı vəziyyətdə qalıb.
Oxu.Az xəbər verir ki, FHN-in Aran Regional Mərkəzinin xilasediciləri dərhal əraziyə cəlb olunublar.
Hadisə yerində "Chevrolet" və "Mercedes" markalı avtomobillərin toqquşduğu məlum olub. "Mercedes"in sürücüsü deformasiyaya uğramış nəqliyyat vasitəsində sıxılı qalıb.
Xilasedicilər xüsusi alətlərin köməyi ilə 1966-cı il təvəllüdlü Miryunis Miryusif oğlu Mahmudovu xilas edərək təcili tibbi yardım briqadasına təhvil veriblər.
Hadisə ilə bağlı araşdırma aparılır.
