Yaxın Şərqdəki münaqişə 2027-ci ilə qədər davam edərsə, qlobal iqtisadiyyatın artım tempi 1.8 faizə qədər azala bilər.
Oxu.Az xəbər verir ki, İqtisadi Əməkdaşlıq və İnkişaf Təşkilatının bu proqnozunu "Bloomberg" agentliyi yayımlayıb.
Daha bədbin ssenariyə əsasən, İran böhranının yaratdığı iqtisadi fəsadlar COVID-19 pandemiyası və 2008-ci ilin maliyyə böhranı istisna olmaqla, son 40 ilin ən kəskin iqtisadi yavaşlamasına səbəb ola bilər.
Təşkilatın mütəxəssislərinin fikrincə, ABŞ-İran qarşıdurmasının 2027-ci ilə qədər uzanması bir sıra ölkələrin iqtisadiyyatını tənəzzül vəziyyətinə və ya ona yaxın bir həddə çatdıracaq. Eyni zamanda, işsizlik səviyyəsi artacaq, investisiyaların, xüsusən də süni intellekt sahəsinə yatırımların həcmi nəzərəçarpacaq dərəcədə azalacaq.
