Beynəlxalq Futbol Federasiyası (FIFA) 2026 Dünya Çempionatında komandaların meydana birgə çıxması ənənəsindən imtina etməyi planlaşdırır.
Oxu.Az-ın məlumatına görə, idman jurnalisti Ben Ceykobs bu barədə açıqlama verib.
Yeni qaydaya əsasən, stadion diktoru hər bir futbolçunun adını tuneldən meydana çıxdığı anda fərdi şəkildə elan edəcək.
Bu təcrübə artıq klublararası dünya çempionatında sınaqdan keçirilib. FIFA rəhbərliyi bunun futbolçuların fərdi imicini gücləndirəcəyini düşünür.
Lakin FIFA, ABŞ Milli Basketbol Assosiasiyasının (NBA) təqdimat formatını tam təkrarlamaq fikrində deyil.
Qeyd edək ki, 2026 Dünya Çempionatı 11 iyun - 19 iyul tarixlərində ABŞ, Kanada və Meksikada keçiriləcək.
