Çelsinin braziliyalı hücumçusu Juan Pedronun Barselonaya gözlənilən transferi baş tutmayacaq.
Oxu.Az The Athletic nəşrinə istinadən xəbər verir ki, Kataloniya təmsilçisi ötən gün futbolçunun agenti ilə təmasa keçib.
Məlumata görə, İspaniya nəhəngi bu keçid üçün 70 milyon avroluq transfer təklifi irəli sürüb.
Lakin Çelsi rəhbərliyi bu təklifə qəti şəkildə qarşı çıxıb. London klubu hücumçunu satmaq istəmir və onu toxunulmaz futbolçular siyahısına daxil edib.
Çelsi bu yay heyəti zəiflətmək əvəzinə, daha da gücləndirmək niyyətindədir.
Qeyd edək ki, Juan Pedro cari mövsümdə 48 oyunda 20 qol vurub və 9 məhsuldar ötürmə edib. Onun Çelsi ilə müqaviləsi 2033-cü ilin yayına qədər qüvvədədir.
