Portuqaliyalı məşqçi Joze Mourinyo "Real Madrid" futbol klubu ilə müqavilə imzalayıb.
Oxu.Az bildirir ki, bu barədə insayder Fabritsio Romano "X" sosial şəbəkəsində məlumat verib.
Onun sözlərinə görə, mütəxəssisin "kral klubu" ilə razılaşması 2029-cu ilin iyununa qədər nəzərdə tutulub.
Mourinyonun gələn həftə Madridə gələcəyi bildirilir.
Xatırladaq ki, Mourinyo 2010-cu ilin iyulundan 2013-cü ilin iyununa qədər "Real"ı çalışdırıb və bir dəfə (2011/12) İspaniya çempionu adını qazanıb.
