Nikahın pozulması zamanı aliment öhdəliyinin hansı tarixdən hesablanması məsələsi vətəndaşları maraqlandırır. Bəs qanun nə deyir?
Ali Məhkəmədən verilən məlumata görə, Sumqayıt Apellyasiya Məhkəməsinin hakimi Gülnar Cabbarova bu suala aydınlıq gətirib.
Hakim bildirib ki, aliment məhkəməyə iddia ərizəsinin verildiyi tarixdən hesablanır. Məsələn, vətəndaş 1 fevral 2025-ci ildə müraciət edibsə, aliment həmin tarixdən tutulur.
Qətnamənin çıxarılma tarixi önəmli deyil. Aliment qətnamələri dərhal icra edilir. Apellyasiya və kassasiya şikayəti belə icranı dayandırmır.
Hətta qətnamə ləğv olunsa da, ödənilmiş aliment geri qaytarılmır. Aliment ödəməyənlər inzibati və ya cinayət məsuliyyəti daşıyır.
Məqsəd uşaqların maddi təminatının qorunmasıdır. Bu işlərdə uşaq hüquqları ən üstün tutulur.
