ABŞ İranla münaqişənin nizamlanması memorandumunun iki bəndini pozub. Tehran sərt reaksiya verəcəyini bildirib.
İranın ali liderinin hərbi müşaviri Möhsün Rezayi bu barədə "X" sosial şəbəkəsində yazıb. O qeyd edib ki, ABŞ regiondakı proksi qüvvələrin hərəkətlərini dəstəkləməklə birinci bəndi, Hörmüz boğazında gərginliyi artırmaqla isə beşinci bəndi pozub.
Xatırladaq ki, ABŞ Mərkəzi Komandanlığı dünən Hörmüz boğazında kommersiya gəmisinə hücuma cavab olaraq İrana zərbələr endirib. Hədəflər arasında raket və PUA anbarları, sahilyanı radarlar olub. İran da cavab hücumları edib.
