Elm və təhsil naziri Emin Əmrullayev məktəbəhazırlıq qrupları və ümumi təhsil müəssisələrində mobil və elektron cihazlardan istifadə qaydalarını təsdiqləyib. Qərar iyunun 26-dan qüvvəyə minib.
Qaydalara əsasən, şagirdlərin dərs müddətində mobil telefon, planşet, ağıllı saat və digər elektron cihazlardan istifadəsi qadağandır. Cihazlar dərs boyu söndürülmüş və ya səssiz rejimdə xüsusi yerlərdə saxlanılmalıdır.
İstisna hallarda, müəllimin icazəsi ilə cihazlar tədris məqsədi ilə istifadə oluna bilər. Fövqəladə hallarda isə məlumat mübadiləsinə icazə verilir.
Qaydaların pozulması halında valideynlər məlumatlandırılacaq və profilaktik tədbirlər görüləcək. Məktəb rəhbərliyi müntəzəm maarifləndirmə tədbirləri keçirəcək.
