İranın xarici işlər nazirinin müavini Kazım Qəribabadi bu həftə Dohada ABŞ-la texniki məsləhətləşmələrin başlaması ilə bağlı xəbərləri təkzib edib.
Diplomat jurnalistlərə açıqlamasında bildirib ki, işçi qrupların texniki iclasları planlaşdırılmayıb.
Qətərlə məsləhətləşmələr və qarşı tərəfin öhdəliklərini yerinə yetirməsinə nəzarət normal qaydada davam edir. Lakin Dohada texniki danışıqlar aparılacağına dair xəbərlər təsdiqlənmir.
Xatırladaq ki, "Axios" portalının müxbiri Barak Ravid ABŞ və İran nümayəndələrinin iyunun 30-da Dohada görüşəcəyini iddia etmişdi.
