Qızılın qiymətində nəzərəçarpacaq ucuzlaşma var. Bir qram qızıl təxminən 60 manat ucuzlaşıb.
"Xəzər" TV-yə istinadən xəbər verilir ki, satıcılar ən çox Türkiyə istehsalı qızıla tələbat olduğunu deyirlər. Bu məhsulların qramı 175 manatdır.
Alış qiymətində də enmə var. Əvvəl 170 manat olan qızıl indi 130 manata təklif edilir. Gümüşün qiyməti də düşüb.
Mütəxəssislər qiymət azalmasının səbəblərini enerji qiymətlərinin artması, neftin bahalaşması, inflyasiya və dollara marağın yüksəlməsi ilə əlaqələndirir.
Ekspert Rəşad Həsənov sabit qiymət proqnozu verməyin çətin olduğunu bildirir. Qiymət dinamikasının dəyişəcəyi gözlənilir.
