Beynəlxalq təşkilatların hesablamalarına görə, Azərbaycan 2050-ci ilə qədər su qıtlığı çəkən 35 ölkə arasında olacaq. Bu, aqrar sektorun transformasiyasında resurs əsaslı yanaşmanın vacibliyini göstərir.
Kənd təsərrüfatı nazirinin müavini Zaur Əliyev mətbuat konfransında bildirib ki, Dövlət Proqramı müasir suvarma sahələrini 130 min hektardan 300 min hektara çatdırmağı hədəfləyir.
O, qeyd edib ki, torpaq konsolidasiyası da proqramın əsas tədbirlərindən biridir. Parçalanmış torpaq sahələri birləşdiriləcək və suvarma şəbəkəsi yenilənəcək. İlkin olaraq 20 min hektar ərazidə iki rayonda həyata keçiriləcək tədbirlər 2030-cu ilə qədər davam edəcək.
