İyulun 2-də Enerji Dialoqu Platforması çərçivəsində SOCAR-ın "Eko-park"ında gənc media nümayəndələri üçün məlumatlandırma sessiyası keçirilib.
Sessiyada SOCAR-ın Ətraf mühit üzrə məlumatların açıqlanması və əlaqələr departamentinin rəisi Mustafa Qurbanlı təqdimat edib. O, SOCAR-ın dekarbonizasiya strategiyası, layihələri və hədəfləri barədə məlumat verib.
"SOCAR Green" şirkətinin baş direktorunun müşaviri Elnar Mehdizadə SOCAR-ın yaşıl enerji gündəliyindən və beynəlxalq tərəfdaşlarla birgə layihələrdən danışıb.
Daha sonra jurnalistlər "Eko-park" ərazisi ilə tanış olub, sualları cavablandırılıb.
