Azərbaycan Prezidenti İlham Əliyev Qazaxıstana rəsmi səfər edib.
O, Qazaxıstan Prezidenti Kasım-Jomart Tokayevin dəvəti ilə Türk Dövlətləri Təşkilatının qeyri-rəsmi Zirvə görüşündə iştirak edəcək.
"Haber Global" bu barədə videosüjet hazırlayıb.
Bildirilir ki, bu gün Türküstan liderlər zirvəsinə ev sahibliyi edəcək. Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyev artıq Türküstana çatıb.
Zirvədə liderlərin qarşılanması, ailə fotosu və görüşün başlanması gözlənilir.
Bu qeyri-rəsmi zirvə qlobal münaqişələr fonunda əhəmiyyət kəsb edir. İranda və Ukraynada davam edən müharibələr, siyasi qeyri-müəyyənliklər fonunda TDT-nin rolu güclənir.
Azərbaycanın rolu xüsusi vurğulanır. Çünki ilk qeyri-rəsmi zirvə 2024-cü ildə Azərbaycanın təşəbbüsü ilə Şuşada keçirilmişdi.
