ABŞ Prezidenti Donald Trampın nümayəndə heyəti Çini tərk etməzdən əvvəl yerli rəsmilərin təqdim etdiyi bütün əşyaları atmaq məcburiyyətində qalıb.
Oxu.Az xəbər verir ki, bu barədə "New York Post" qəzetinin müxbiri Emili Qudi məlumat yayıb.
Jurnalist aydınlaşdırıb ki, təhlükəsizlik qaydalarına görə, Çin ərazisindən təyyarə göyərtəsinə hər hansı əşyanın gətirilməsi qadağandır. Bu səbəbdən heyət üzvləri Çin rəsmilərinin verdiyi hər şeyi zibil qutusuna atıb.
"Ağ Ev işçilərinin birdəfəlik telefonları, akkreditasiya kartları, nümayəndə heyəti üçün nişanlar - biz "AF1" təyyarəsinə minməzdən əvvəl bütün bunları toplayıb zibil qutusuna atdıq", - deyə jurnalist qeyd edib.
Xatırladaq ki, Donald Tramp Çinə üçgünlük səfər edib. Bu, Trampın 2017-ci ildəki ilk prezidentlik dövründən bəri Pekinə ilk rəsmi səfəridir.
