Mayın 29-da ölkə ərazisində havanın 31 dərəcəyədək isti olacağı gözlənilir.
Milli Hidrometeorologiya Xidmətindən verilən məlumata görə, Bakıda və Abşeronda hava dəyişkən buludlu olacaq, axşam bəzi yerlərdə yağış ehtimalı var.
Cənub-şərq küləyi axşam güclü şimal-qərb küləyi ilə əvəz olunacaq. Havanın temperaturu gecə 17-20°, gündüz 22-27° isti təşkil edəcək.
Regionlarda hava əsasən yağmursuz olacaq, lakin gündüz şimal və qərb rayonlarında fasilələrlə yağıntı gözlənilir. Bəzi yerlərdə dolu düşə, dağlarda qar yağa bilər.
Havanın temperaturu gecə 16-19°, gündüz 26-31° isti, dağlarda gecə 7-12°, gündüz 16-21°, bəzi yerlərdə 23-26° isti olacaq.
