Sosial şəbəkələrdə imtahan ballarının artırılması ilə bağlı vədlər verən dələduzlar yenidən aktivləşiblər.
Xəzər TV-yə istinadən xəbər verilir ki, son günlər "TikTok" və "Instagram" platformalarında "Qəbul ballarını artırırıq" başlıqlı saxta paylaşımlar edilir. Zəif nəticə göstərən abituriyentlər hədəf alınır.
Valideynlər narahatdır: "Uşaqlar öz əziyyətləri ilə oxuyur, qeyri-qanuni bal artımı mümkün deyil."
Ekspert Ramin Nurəliyev bildirib: "Ballara müdaxilə qeyri-mümkündür. Valideynlər pullarını itirir, dələduzlar yoxa çıxır."
DİM xəbərdarlıq edib: "Sosial şəbəkələrdəki təkliflər dələduzluqdur."
Mütəxəssislər qeyd edir ki, dələduzlar saxta profillər açaraq "bizə kömək edildi" rəyləri yazır. Bank kartı məlumatlarını göndərmək təhlükəlidir.
