Biləcəri qəsəbəsi, Xudadat bəy Məlikaslanov küçəsinin sakinləri yolun vəziyyətindən şikayətçidir.
Oxu.Az xəbər verir ki, sakinlər Baku TV-nin qaynar xəttinə müraciət edib.
Onlar deyir ki, dəfələrlə aidiyyəti qurumlara məlumat verilib, amma nəticə yoxdur.
Bir sakin: "Yol bərbad olduğu üçün heç kim bura ikinci dəfə gəlmək istəmir. Təcili yardım çağırsaq da, sürücülər küçəyə girmir. Onları qınamaq olmaz, çünki yollar dağılıb".
Binəqədi Rayon İcra Hakimiyyəti bildirib ki, asfalt örtüyünün yenidən qurulması diqqətdədir: "Küçə təmir siyahısına salınıb. Asfaltlama mərhələli olduğu üçün növbə ilə təmir olunacaq".
