Prezident İlham Əliyev mayın 28-də Xocalının Daşbulaq kəndində Müdafiə Nazirliyinin hərbi qulluqçuları üçün təmir olunan fərdi evlərdə şəraitlə tanış olub.
Dövlət başçısına verilən məlumata görə, ərazidə 191 fərdi ev var. Onlardan 1-i ikiotaqlı, 70-i üçotaqlı, 93-ü dördotaqlı, 8-i beşotaqlı, 1-i səkkizotaqlı, 18-i isə yeddiotaqlı ikimərtəbəli evdir.
Evlər elektrik enerjisi və qazla təchiz olunub. Məhəllədaxili yollar yenidən qurulub, park və Bayraq meydanı yaradılıb.
Bu layihə hərbi qulluqçuların mənzil-məişət şəraitinin yaxşılaşdırılmasına xidmət edir. Dövlət minlərlə hərbçinin mənzil təminatını həyata keçirib.
